السلام عليكم
« الأيام الوطنية للتحمّل JNE  » هي تظاهرة باش تتنظم لأول مرة في تونس , أيام 25-26-27 مارس (في عطلة الربيع) في « الزريبة العليا » ( قرية بربرية قديمة و مزيانة برشا قريبة من حمّام الزريبة – زغوان)
منظمها فوج الزريبة للكشافة التونسية و موجهة للشباب الكشفي(عشائر جوالة , دليلات) و الغير كشفي و جميع أطراف المجتمع المدني ( طلبة , تلاميذ ..) ..
بالنسبة للبرنامج :
-النهار لول باش يكون مخصّص للعبة ال »Paintball » باش تكون في شكل دورة (ربع نهائي , نصف نهائي و نهائي ) و معاها بالطبيعة ألعاب أخرى بالتوازي و عروض و مفاجئات أخرى ..
-النهار الثاني فيه تسلق الجبال « Escalade » و « Tyrolienne » إلي برشا ناس يسمعوا بيها و يحبوا يجربوها باش يتنظموا لأول مرة في الزريبة العليا
-النهار الثالث فيه سباق فريد من نوعو و باش يتنظم لأول مرة على الصعيد الوطني « Hannibal Carthage Race » سباق طولو 6 كم بين جبال و طبيعة المكان باش يكون فيه عوائق « des obstacles » قرابة 24 , بعدو « تبحبيحة » في الحمّام البخاري الطبيعي « حمام الزريبة » ..
و بالطبيعة فمة تفاصيل أخرى باش نكشفوا عليهم في وقت لاحق و أخرى باش تبقى مفاجئة حتى أيام التظاهرة
بالنسبة لمعلوم المشاركة :
– اللي يحبوا يشاركوا في التظاهرة كاملة + توفير المبيت بالنسبة للمشاركين من خارج منطقة الزريبة : 50 دت
– اللي يحبوا يشاركوا في التظاهرة كاملة من أبناء المنطقة (دون توفير مبيت) : 40 دت
– المشاركة في اليوم الأول فقط : 30 دت
– المشاركة في اليوم الثاني فقط : 10 دت
– المشاركة في اليوم الثالث فقط : 10 دت
بالنسبة للتسجيل ينجم يكون في شكل فرق أو بشكل فردي .. و باش يتحل التسجيل على الموقع نهار 22/02
لا يعتبر التسجيل رسمي إلا بعد دفع معلوم المشاركة عبر القادة المذكورين في كل من ( الزريبة-زغوان , تونس , نابل ,سوسة) أو عن طريق حوالة بريدية
البقاع محدودة ..

Article similaire

Laisser un commentaire